Scire malum prodest, pocius vitemus vt illud,
Labile pre manibus et caueamus iter.
De muliere mala mala queque venire solebant,
Est etenim pestis illa secunda viris:
Femina dulce malum mentem, decus ipsa virile,
Frangit, blandiciis insidiosa suis;
Sensus, diuicias, virtutes, robora, famam
Et pacem variis fraudibus ipsa ruit.
Mille modis fallit, subtiles milleque tendit
Insidias, vnus vt capiatur homo.340