Pingere sicut habet multas manus vna figuras,
Que variis formis diuaricabit opus,
Sola sibi varios mulier sic auget amantes,
Quos Venus in fatuam credere cogit opem.
Quod natura sibi sapiens dedit, illa reformat,
Et placet in blesis subdola lingua suis;
Eius enim plures fatuos facundia torquet,
Dum modo ridendo, nunc quoque flendo placet.
Sic fragili pingit totas in corpore partes,
Addit et ad formam quam deus ipse dedit.380