Qui bonus est miles mundi terit omne superbum,
Vincit et ex humili corde maligna ferus:490
Qui bonus est miles pro Cristi nomine certat,
Et rem communem protegit ipse manu:
Qui bonus est miles probat et bene scit quod in orbe
De belli fine pacis origo venit;
Talis enim miles de vera laude meretur
Quicquid in hoc mundo regula laudis habet.
Hic loquitur qualiter milicie improbitas alios gradus quoscumque sua ledit importunitate et offendit.
Capm. viii.