Est michi nil cunctas terrarum vincere turmas,
Dum solo vicio vincor inermis ego:
Nec magis in culpa quid obest quam miles ad arma
Tardus, et assissis promptus inesse lucris.520
Hostibus vt perdix vicinis ancipiterque
Miles dum steterit, res sibi vilis erit.
Non valet hic dignus amplexibus esse Rachelis,
Inclita quem Martis arma beare negant:
Que speciosa viro tali concedit amorem,
Errat et ignorat quid sit amoris honor.