Nam deus inquit ei, dum corruit a Paradisi
Floribus, in terram cepit et ire viam:
‘O transgresse, labor mundi tibi sint quoque sudor,
In quibus vteris panibus ipse tuis.’
Vnde dei seriem cultor si seruet eundem,
Ac opus in cultu sic gerat ipse manu,570
Tunc pariet fructus quam fertilis ordine campus,
Vuaque temporibus stabit habunda suis.
Nunc tamen illud opus vix querit habere colonus,
Set magis in viciis torpet vbique suis.