Quot celi stelle, tot dicet nomina rerum,
Huius et istius, et trahit atque vocat:
Quos nequit ex verbis, tractu compellit inire,
‘Hic,’ ait, ‘est quod vos queritis, ecce veni.’750
Sic apprenticius plebem clamore reducit,
Ad secreta doli quando magister adest:
Dum Fraus namque vetus componit verba dolosa,
Incircumventus nullus abire potest:
Si sapiens intrat, Fraus est sapiencior illo,
Et si stultus init, stulcior inde redit.