Non nichil est quod eam duplex custodia seruat,
Ne fluat in verbis impetuosa suis:
Dentibus obstruxit prudens natura palatum,
Vt claustro residens clausa silere queat;
Talis eam custos stimulis castigat acutis,
Vt nichil abrupte queque licenter agat:
Exterius datur alter ei custos labiorum,
Vt duplex duplici ianua claudat iter:
Osseus ordo prior excessus corrigit, alter
Carneus et madidus micia verba facit.910