Cuius in aspectu secula cuncta patent.
Ante suum solium gradiuntur quatuor anni
Tempora, que variis compta diebus erant:30
Tunc tamen a dextris stetit alba propinquior estas
Serta gerens, et eam cuncta creata colunt.
Omnia tunc florent, tunc est noua temporis etas,
Ludit et in pratis luxuriando pecus.
Tunc fecundus ager, pecorum tunc hora creandi,
Tunc renouatque suos reptile quodque iocos;
Prataque pubescunt variorum flore colorum,