G.
RECORDS and EXTRACTS relating to Sir George Hay and the Manufacture of Iron.
Act anent the Making of Iron with Wood. This Act was probably intended to suppress Sir George Hay's Ironworks. Scots Acts, vol. iv., p. 408b.
"Act anent the making of Yrne with Wode.
"Apud Edinburgh xxvij die mensis Januarij 1609.—Forsamekle as it hes pleasit god to discover certane vaynes of ritche mettall within this kingdome: as alsua certane wodis in the heylandis: whilkis wodis by reasoun of the savagnes of the inhabitantis thairabout wer ather vnknawin or at the leist vnproffitable and vnused: and now the estaitis presentlie conveyned being informit that some personis vpoun advantage of the present generall obedience in those partis wald erect yrne milnis in the same pairtis: To the vtter waisting and consumeing of the saidis wodis: whilkis mycht be reserved for mony bettir vseis: and vpoun moir choise and proffitable mettaillis for the honnour benefite and estimatioun of the kingdome: Thairfore the estaitis presentlie conveyned Statutis and ordanis: and thairwith commandis chairgeis and inhibitis all and sindrie his maiesties leigis and subiectis: That nane of thame presome nor tak vpoun hand To woork and mak ony Irne with wod or tymmer vnder the pane of confiscatioun of the haill yrne that salbe maid with the said tymmer: to his maiestes vse: And ordaines publicatioun to be maid heirof be oppin proclamatioun at all places needful quhairthrow nane pretend ignorance of the same."
Ratification to Sir George Hay of the Gift of the Manufacture of Iron and Glass. Scots Acts, 1612.
"Ratificatioun To Sr George Hay off his gift and privilege of making of yron glasworkis passed October 23d 1612.
"Oure Souerane Lord with aduise and consent of his Estaittis of parliament Ratifies apprevis and confermis The Commission and Licence grantit be his Maiestie vnder his hienes great seall To his Maiesties Louit Sr george hay of Nethirliff knycht gentilman of his Maiesties privie chalmer his airis executouris and assignais Be him selff his factouris and servandis and vtheris haueand his licence tollerance and permissioun within the haill boundis of the kingdome of Scotland To mak yrne and glass within the said kingdome of Scotland In forme and manner specifeit in the said Commissioun And that during the space of threttie ane zeris nixt efter the dait efter specifeit of the said Commissioun As the samyn contening diuerse and sindrie vtheris priuilegis prouisiones and conditiones off the dait At quhitehall the twentye foure day of December ane thowsand sex hundreth and ten zeris at mair lenth proportis In All and Sindrie pointis part heides articles clauses conditiones and circumstances quhatsomeuir thairin contenit Efter the forme and tennoure thairof with all that hes followit or may follow thairvpoun Lykeas his Maiestie with Aduise and consent foirsaid Statutis decernis and ordains That the forsaid Commissioun and this pnt ratificatioun thairof Sal be ane sufficient lauchfull and valide rycht To the said Sr george hay and his foirsaidis for vsing of the haill rychtis priuilegis and liberties thairin contenit and vplifting of the haill proffites and dewities comprehendit or that may be comprehendit vnder the said Comission during the space aboue specifeit thairin contenit Efter the forme and tennoure thairof in all pointis."
Proclamation restraining the Export of Iron Ore out of Scotland. Regist. Secreti Concilii Acta, Folio 166. Probably intended to assist Sir George Hay's Enterprise.
"Apud Edinburgh Septimo Aprilis 1613.—Forsamekle as certane of his maiesties subiectis oute of thair affectioun to the credite reputatioun and commoun weill of this thair natiue countrey haueing interprysit the practise and making of yrne within the same and haueing with verie grite travellis chargeis and expenssis broght that work to ane ressounable good perfectioun of purpois and resolutioun to prosequute and follow out the same work for the good of the countrey, Thay ar lyk to be hinderit and disapointit in the cours and progres of the saidis workis by the frequent transport of the Irne vr furth of this realme, whiche transport is now become sa ordinar and commoun alsweill in the personis of strangeris as of the borne subiectis of this realme as thair can nocht be haid sufficientlie whairwith to interteny the saidis workis and since this art and practise of making of Irne is most necessar and expedient for the commonweill of the countrey and that the same can nocht be intertenyed and haldin fordwart yf thair be nocht aboundance and sufficiencie of vr within the countrey whairwith to work the same, Thairfoir the lordis of secrete counsell hes thocht meitt and expedient for the commoun weill and benefite of the countrey to discharge lyk as the saidis lordis by these presentis discharges the transport of ony kynd of vr furth of this realme, and ordanis lettrez to be direct to command charge and inhibit all and sindrie his maiesties lieges and subiectis as alsua all streangearis resorting and repairing within this realme be appin proclamatioun at all placeis neidfull That nane of thame presvme nor tak vpoun hand at ony tyme after the publicatioun heirof to carye or transport furth of this realme ony Irne vr vndir the pane of the confiscatioun of the same and of the rest of the movable goodis partening to the awnaris and transportaris and siclyk to command charge and inhibit all and sindrie skipparis maisteris awnaris and marchantis of shippis and veshellis that nane of thame ressaue within thair saidis shippis and veshellis ony Irne vr to be transportit furth of this realme vndir the pane of confiscatioun of the saidis schipis and veschellis to his maiesteis vs, certifeing all and sindrie personis who sall violatt and contravene this present act and ordinance in maner foirsaid that thair saidis goodis vr schippis and veshellis sal be confiscat to his maiesteis vse as said is."
Licence to Sir George Hay anent Selling his Iron.