Then the Bischoppis schooke thare headis, and spitted into the earth: And what he ment in this mater farther, thei wold nott heare.[418]
The Sevint Article.
Thow fals Heretike did say, that Extreme Unctioun was not a Sacrament.
The Answer.
My Lord, forsuyth, I never tawght any thing of Extreme Unctioun in my doctrine, whetther it war a Sacrament or no.
The Eyght Article.
Thow fals Heretike saidest that the Holy Watter is no sa good as wasche, and suche lyik. Thow contempnest Conjuring, and sayest, that Holy Churches cursing availled nott.
The Answere.
My Lordis, as for Holy Watter, what strenth it is of, I tawght never in my doctrine. Conjuringes and Exorzismes, yf thei war conformable to the word of God, I wold commend thame. But in so far as thei ar not conformeable to the commandiment and worde of God, I reprove thame.
The Nynt Article.