Heirafter was the Buke of Discipline proponed, and desyred to have been ratified by the Quenys Majestie. That was scripped at, and the questioun was demanded, "How many of those that had subscrived that Buke wald be subject unto it?" It was answered, "All the godly." "Will the Duck?" said Lethingtoun. "Yf he will nott," answered the Lord Ochiltrie,[701] "I wold that he war scrapped out, not only of that book, but also out of our nomber and cumpany: For to what purpoise shall laubouris be tane to putt the Kirk in ordour, and to what end shall men subscrive, and then never mean to keap wourd of that quhilk thei promeisse?" Lethingtoun answered, "Many subscrived thair in fide parentum, as the barnes ar baptized." One, to wit Johne Knox,[702] answered, "Albeit ye think that scoiif propir, yit as it is most untreu, so is it most improper. That Buke was red in publict audience, and by the space of diverse dayis the headis thairof war reasoned, as all that hear sit know weill yneuche, and ye your self can nott deny; so that no man was required to subscrive that whiche he understood not." "Stand content, (said one,) that Buke will nott be obteaned." "Let God (said the other) requyre the lack which this poore Commoun-wealth shall have of the thingis thairin conteaned, from the handis of such as stope the same."
The Baronis perceaving that the Buke of Discipline was refused, presented unto the Counsall certane articles, requiring Idolatrie to be suppressed, thair Churches to be planted with treu Ministeris, and some certane Provisioun to be maid for thame, according to equitie and conscience; for unto that tyme, the most parte of the Ministeris had lyved upoun the benevolence of men. For many held into thair awin handis[703] the fructis that the Bischoppis and otheris of that sect had befoir abused; and so some parte was bestowed upoun the Ministeris. But then the Bischoppis began to grypp agane to that which most injustlie thei called thair awin; for the Erle of Arrane was discharged of Sanctandrois and Dunfermeling, whairwith befoir, be verteu of a factorie, he had intromitted: and so war many otheris. And thairfoir the Barones requyred, that ordour mycht be tacken for thair Ministeris, or ellis thei wold no moir obey the Bischoppis, neather yitt suffer any thing to be lifted up to thair use after the Quenis arryvall, then that thei did befoir; for thei verrelie supposed that the Quenys Majestie wold keapt promeisse maid unto thame; whiche was, nott to alter thair religioun, whiche could nott remane without Ministeris, and Ministeris could nott lyve without provisioun: and thairfoir thei heartlie[704] desyred the Counsall to provid some convenient ordour in that head.
That somewhat moved the Quenys flatteraris; for the rode of impietie was not then strenthened in hyr and thair handis. And so began thei to practise how thei should pleise the Queyn, and yit seam somewhat to satisfie the faythfull; and so devised thei, that the Church men should have intromissioun with the Two parte of thair benefices, and that the Third parte[705] should be lifted up by suche men as thairto should be appointed, for suche uses, as in these subsequent Actis[706] ar more fullie expressed.
Apud Edinburgh, xxij Decembris, Anno lxjo. [Sederunt.
Jacobus Dux de Chattellarault,
Georgius Comes de Huntlie,
Archibaldus Ergadie Comes,
Willelmus Marescalle Comes,
Joannes Atholie Comes,
Willelmus Comes de Montross,
Jacobus Comes de Mortoun,
Alexander Comes de Glencarne,
Jacobus Commendatarius St. Andree et Pittenweme,
Joannes Dns. Erskin,
Magr. Robertus Richardsoun Thesaurarius,
Magr. Jabus Makgill de Nether Rankelour Clericus Registri,
Joannes Ballenden de Auchnoule miles Clericus Justiciarie,
Willelmus Maitland de Lethingtoun junior Secretarius.
Presentibus etiam Dominis subscriptis ratione Conventionis, viz. Joanne Comite de Sutherland, Georgio Comite de Cathenes, Andrea Comite de Rothes, Joanne Domino de Menteith, Joanne Domino Glammis, Hugone Domino Somervell, Roberto Domino Boyd, Joanne Domino Flemyng, Georgio Domino Seytoun, Joanne Domino Innermeth, Alexandro Domino Hume, Davide Domino Drummond, Andrea Domino Stewart de Vchiltre, Jacobo Domino Sancti Joannis, Joanne Magistro de Maxwell, et Jacobo Dowglass de Drumlanrig, milites.][707]
The samyn day, forsamekle as the Quenis Majestie, be the advise of the Lordis of hir Secreit Counsall, foirseand the eminent truble quhilk appeirandlie was to aryse amangis the lieges of hir realme for materis of Religioun; to evaid the samyn, and to stay all inconvenientis that may follow thairupoun,[708] intercommonit with ane parte of the Clergie and Estait Ecclesiasticall; with whome then reasonyng being had, it was thocht good and expedient be hir Hienes, that ane generall Conventioun should be appointed the xv. day of December instant, whairto the rest of that Estaite mycht have repaired, and be the advyse of the haill, ane reassonable overtoure maid and ordour taken for staying of the appearand truble, and quyetting of the haill countrey: Quhilk Conventioun being be hir Majestie appointed, and syndrie dayis of Counsale keaped, and the said Ecclesiasticall Estaite ofttymes required, that the said ordour mycht be taken and overtoure maid for staying of truble and quyetting of the countrey; last of all, in presence of the Quenis Majestie, and Lordis of Counsale foirsaid, and otheris of the Nobilitie of this Realme, compeired Johne Archbischopp of Sanctandrois, Robert Bischopp of Dunkelden, Patrik Bischopp of Murray, and Henrie Bischopp of Ross,[709] and for thame selfis respective offered to the Quenis Grace, to be content of Three partis of the rentis of thair benefices, and the Ferd parte thairof to be employed[710] as hir Grace thocht expedient. And becaus the certantie thairof was not knawin, nor yitt what sowmes of money wald sufficientlie susteane the Ministrie and Ministeris of Goddis worde within this Realme, nor yit how mekle was necessar to supporte the Quenis Majestie abone hir awin rentis for the commoun effairis of the countrey: Thairfoir, it is concludit, decernit, and determinat be the Quenis Grace and Lordis of Counsale foirsaid, and utheris of the Nobilitie present, that gif the Ferd parte[711] of the fructes of the haill Benefices ecclesiasticall within this Realme may be sufficient to susteane the Ministerie throw the haill Realme, and supporte the Quenis Majestie to interteany and sett fordwarte the commoun effaires of the countrey, failzeing thairof, the Third parte of the saidis fructis, or mair, quhill it be found sufficient to the effect foirsaid, to be tacken up yearlie in tyme cuming, quhill ane generalle ordour be taken thairin; samekle thairof to be employed to the Quenis Majestie for entertenying and setting fordwarte of the commoun effaires of the countrey, and samekle thairof unto the Ministeris and sustentatioun of the Ministerie, as may reassonablie susteane the samin, at the sycht and discretioun of the Quenis Majestie and Counsale foirsaid: and the excrescens and superplus to be assigned unto the auld Possessouris. And to that effect that the rentis and yearlie availl of the haill benefices within this Realme may be clearlie knawin to the Quenis Majestie and Counsale foirsaid, It is statute and ordanit, that the haill Rentallis of all benefices within this Realme be produced befoir hir Grace and Lordis foirsaidis, at the tymes underwritten; That is to say, of the Benefices on this syde of the Month,[712] the xxiiij day of Januar nixttocum, and beyond the Month, the tenth of Februar next thairefter. And ordanis letteris to be direct to officiaris of the Quenis schirreffis in that parte to pass, charge, and requyre, all and syndrie Archbischoppis, Bischoppis, Abbottis, Commendatouris, and Priouris of this Realme, on this syd of the Mounth personallie, gif thai can be apprehended, and failzeing thairof, at the saidis Archbischoppis, Bischoppis, Abbottis, Commendatouris, and Priouris dwelling-places, cathedrall kirkis, or abbayis; and all Deanis, Subdeanis, Archdeanis, Chantouris, Subchanteris, Provestis, Personis, Vicaris, and other beneficit men whatsomever, thair Chalmerlanis and Factouris, personallie or at thair dwelling-places, or at thair paroche kirkis, quhair thai suld remane, to exhibit and produce befoir the Quenis Majestie and Lordis foirsaidis, the said xxiiij day of Januar nixttocum, the just and treu Rentalle of the availle and rentis of thair Benefices to the effect foirsaid; and to charge the Prelattis and utheris beneficit men on the yond syd of the Mounth in maner respective foirsaid, to [exhibite and[713]] produce the just and treu Rentale of thair Benefices befoir the Quenis Majestie and Lordis foirsaidis the said tent day of Februar nixttocum, to the effect abone rehersit, With certificatioun to thame that failzeis, the Quenis grace and Counsale will proceid heirin as accordis: And sicklyk to charge the haill Superintendentis, Ministeris, Eldaris, and Deaconis of the principall townes and schyres of this Realme, to give in befoir the Quenis Grace and Lordis of Counsale foirsaidis, the said xxiiij day of Januar nixttocum, ane formall and sufficient roll and memoriall, what may be sufficient and reasonable to susteane the Ministerie and hale Ministeris of this Realme, that hir Majestie and Lordis of Counsale foirsaidis may tak ordour thairintill as accordis: And farther, that the Quenis Majestie and Lordis of Counsale foirsaidis may ryplie and digestlie wey and considder what necessarie supporte is required to be taken yearlie of the fructis of the saidis Benefices by hir Grace's awin yearlie rent, to enterteany and sett fordwart the commoun effaires of this Realme, agane the said xxiiij day of Januare nixttocum, that then it may be proceided in the said mater, all parties be satisfied, and the haill countrey and lieges thairof sett in quyetnesse.
[The samyn day,[714] forsamekle as the wechtie and debateable caussis standand amangis the lieges of this Realme, quhilk micht gif occasioun of brek thairof, and inquieting of the hale estait of the samyn, for eschewing thairof the Quenis Majestie appointit ane Conventioun of the Nobilitie and Clergie of hir Gracis Realme foirsaid, to compeir the xv day of December instant: quhilk being haldin, and divers tymes continewit, comperit, Johne Archbischop of Sanctandrois, Robert Bischop of Dunkeld, Patrik Bischop of Murray, and Henrie Bischop of Ross,[715] and offerit as efter followis, That is to say, that thai being restorit to thair Benefices and privilegis, and ansuerit thairof, offeris to the Quenis Majestie for the space of ane zeir, the Ferd part of the rentis of thair Benefices, to be employit as hir Grace thinkis expedient: And this thai offerit, and na forder.]
Apud Lynlythgw, 24 Januarij, Anno &c. lxjo.[716]