heáfde hálwes tú!
Helpe ðín drihten!
Nim ðonne ðæt seax, ádó on wætan[[877]].”
9. “Her[[878]] is seó bót, hú ðú meaht ðíne æceras bétan, gif hí nellað wel wexan, oððe ðǽr hwilc ungedéfe þing ongedón bið, on drý oððe on libláce.
“Genim ðonne on niht, ǽr hyt dagige, feower tyrf on feower healfa ðæs landes, and gemearca hú hí ǽr stódon. Nim ðonne ele and hunig and beorman, and ǽlces feos meolc, ðe on ðǽm lande sí, and ǽlces treówcynnes dǽl, ðe on ðǽm lande sí gewexen, bútan heardan beáman, and ǽlcre namcúðre wyrte dǽl, bútan glappan ánon: and dó ðonne hálig wæter ðǽron, and drype ðonne þriwa on ðone staðol ðára turfa, and cweðe ðonne ðás word: Crescite, wexe, et multiplicamini, and gemænigfealda, et replete, and gefylle, terre, ðás eorðan, in nomine patris et filii et spiritus sancti, sit benedicti; and pater noster, swá oft swá ðæt óðer; and bere siððan ða turf tó cyrcean, and mæsse preost ásinge feower mæssan ofer ðán turfon, and wende man ðæt gréne tó ðám weofode; and siððan gebringe man ða turf ðǽr hí ǽr wǽron, ǽr sunnan setlgange; and hæbbe him geworht of cwicbeáme feower Cristes mǽo, and áwríte on ǽlcon ende Mattheus and Marcus, Lucas and Johannes. Lege ðæt Cristes mǽl on ðone pyt neoðeweardne; cweðe ðonne: Crux Mattheus, Crux Marcus, Crux Lucas, Crux Sc’s Johannes. Nim ðonne ða turf and sette ðǽr ufon on, and cweðe ðonne nigon síðon ðás word, Crescite, and swá oft, Pater noster; and wende ðe ðonne eástweard, and onlút nigon síðon eádmódlíce, and cweð ðonne ðás word:
“eástweard ic stande,
árena ic me bidde:
bidde ic ðone mǽran dñe,
bidde ðone miclan drihten,
bidde ic ðone háligan