drihtnes þances.
“Wende ðe ðonne þriwa sunganges, ástrecce [ðe] ðonne on andlang, and árim ðǽr Letanias, and cweð ðonne, Sanctus, sanctus, sanctus, oð ende. Sing ðonne Benedicite áþenedon earmon, and Magnificat, and Pater noster iii, and bebeód hit Criste and sancta Marian, and ðære hálgan róde, tó lofe and tó weorðinga, and ðám [tó] áre ðe ðæt land áge, and eallon ðám ðe him under-þeódde synt.
“Ðonne ðæt eall síe gedón, ðonne nime man uncúð sǽd æt ælmesmannum, and selle him twa swyle swylce man æt him nime and gegaderie ealle his sulhgeteógo tógædere: borige ðonne on ðám beáme stór and finol and gehálgode sápan, and gehálgod sealt. Nim ðonne ðæt sǽd, sete on ðæs sules bodig. Cweð ðonne:
“Erce, Erce, Erce,
eorðan módor,
geunne ðe se alwealda
éce drihten,
æcera wexendra
and wridendra
eácniendra