Magn. Tushe, holde your peas, ye speke lyke a dawe;
Ye shall be occupyed, Welthe, at my wyll.
Cr. Con. All that ye say, syr, is reason and skyll.
Magn. Mayster Suruayour, where haue ye ben so longe?
Remembre ye not how my lyberte by mesure ruled was?
Cr. Con. In good faythe, syr, me semeth he had the more wronge. 1400
Lyb. Mary, syr, so dyd he excede and passe,
They droue me to lernynge lyke a dull asse.
Fel. It is good yet that lyberte be ruled by reason.
Magn. Tushe, holde your peas, ye speke out of season: