Whos passyng bounte, and ryght noble astate,
Of honour and worship it hath the formar date.
To my lady Elisabeth Howarde.
To be your remembrauncer,[1707] madame, I am bounde,
Lyke to Aryna, maydenly of porte,
Of vertu and[1708] konnyng the well and perfight grounde;
Whome dame Nature, as wele I may reporte,
Hath fresshely enbewtid with many a goodly sorte
Of womanly feturis, whos florysshyng tender age
Is lusty to loke on, plesaunte, demure, and sage: 870