Twyst,[273] quod Suspecte, goo playe, hym I ne reke.
By Cryste, quod Fauell, Drede is soleyne freke:
What lete vs holde him vp, man, for a whyle?
Ye soo, quod Suspecte, he maye vs bothe begyle.
And whan he came walkynge soberly, 190
Wyth whom and ha, and with a croked loke,
Me thoughte, his hede was full of gelousy,
His eyen rollynge, his hondes faste they quoke;
And to me warde the strayte waye he toke:
God spede, broder![274] to me quod he than;