Anone ther mette with him, as me thoughte,
A man, but wonderly besene was he;
He loked hawte,[292] he sette eche man at noughte;
His gawdy garment with scornnys[293] was all wrought;
With indygnacyon lyned was his hode;
He frowned, as he wolde swere by Cockes blode;
He bote the[294] lyppe, he loked passynge coye;
His face was belymmed, as byes had him stounge:
It was no tyme with him to jape nor toye; 290
Enuye hathe wasted his lyuer and his lounge,