Aspirate meis elegis, pia turma sororum,
Et Margaretam collacrymate piam.
Hac sub mole latet regis celeberrima mater
Henrici magni, quem locus iste fovet;
Quem locus iste sacer celebri celebrat polyandro,
Illius en genitrix hac tumulatur humo!
Cui cedat Tanaquil (Titus hanc super astra reportet[748]),
Cedat Penelope, carus Ulixis[749] amor:
Huic[750] Abigail, velut Hester, erat pietate secunda:
En tres jam proceres nobilitate pares! 10