Fol. Ye, thou haste the four quarters of a knaue. 1180
Cr. Con. Wotyst thou, I say, to whom thou spekys?
Fan. Nay, by Cockys harte, he ne reckys,
For he wyll speke to Magnyfycence thus.
Cr. Con. Cockys armys, a mete man for vs.
Fol. What, wolde ye haue mo folys, and are so many?
Fan. Nay, offer hym a counter in stede of a peny.
Cr. Con. Why, thynkys thou he can no better skyll?
Fol. In fayth, I can make you bothe folys, and I wyll.
Cr. Con. What haste thou on thy fyst? a kesteryll?[818]