Thou saw, Lorde, this erth corrupt with fals adulacyon,
And thought it place vnmete for Jaspar thy knyght;
Wherfore of body and soule thou made seperacyon,
Preantedate seynge by pure predestynacyon
Whan his lyfe here shulde fyne and consum;
Wherfore, Lorde, thus ende I my dolorous exclamacyon,
Thy godenes knewe what was beste to be done.
M. xviii. C. conclusio.
As a prynce penytente and ful of contricion,
So dyed he, we his seruauntes can recorde: