Addressyng your selfe, lyke a sadde messengere,
To ower soleyne seigneour Sadoke, desire hym to cum home,
Makyng hys pylgrimage by nostre dame de Crome;
For Jerico and Jerssey shall mete togethyr assone
As he to exployte the man owte of the mone.
With porpose and graundepose he may fede hym fatte,
Thowghe he pampyr not hys paunche with the grete seall: 310
We haue longyd and lokyd long tyme for that,
Whyche cawsythe pore suters haue many a hongry mele:
As presydent and regente he rulythe every deall.