She hesitated for a minute, and I at once apologised, thinking I was unconsciously prying into family affairs.
'Oh, it's no' that I'm hankerin' for, Maister Weelum. The fact is, it's in a wey concerned wi' a friend o' yours, an' I don't know very weel hoo to begin; but ye mind me tellin' ye aboot Joe gettin' the awfu' fricht meetin' a lady he thocht was deid an' buried? You an' me made licht o't; but Joe wadna be convinced, an' last nicht he saw the lady again, an'—noo, Maister Weelum, this is the queer bit o' the story—the lady was Miss Stuart.'
'How did he know that, Betty?'
'Weel, he was in the kitchen last nicht when I brocht her through frae Mrs Jardine's to see your picter, an' he was so putten aboot that he gaed strecht away hame to the Cuddy Lane withoot sayin' a word to onybody. This mornin' he spoke to me aboot it, an' asked her name, an' when I said it was Miss Stuart he nearly fainted. "Same name," he said, "and the same locket," an' that's a' I could get oot o' him; an' he was so dazed an' bamboozled that he couldna mind my messages, an' I had to write them doon on a bit paper. Noo, Maister Weelum, what mak' ye o' that?'
'Same name and the same locket!' I repeated slowly. 'Whatever could he mean by that?'
'I dinna ken. I asked him, but his lips shut wi' a snap like a handbag. If I hadna asked he wad ha'e telt me; the Hebron cam' oot there again, Maister Weelum.'
'Oh, Betty, it must be a foolish fancy. The chance of Joe having met Miss Stuart before has, of course, to be considered; but the lady he knew died twenty-four years ago. Miss Stuart must have been a baby then.'
'Mebbe it was her mother, Maister Weelum.'
In a flash the possibility occurred to me. I looked quickly and keenly at Betty, but her eye challenged my gaze clearly and without flinching.
'Ye're thinkin' I'm speakin' in riddles, an' keepin' something back; if ye do, ye're wrang, Maister Weelum. It was the locket that made me think o' her mother; it wad be a very likely keepsake for her to ha'e.'