swar ich zer werlte kēre, dā ist nieman frō:
Tanzen unde singen zergāt mit sorgen gar.
nie kristenman gesach sō jæmerlīchiu jār.
nū merket, wie den frouwen ir gebende stāt;
die stolzen ritter tragent dörperlīche wāt.
Uns sint unsenfte brieve her von Rōme komen,
uns ist erloubet trūren und fröude gar benomen.
daȥ müet mich inneclīchen (wir lebten ē vil wol),
daȥ ich nū für mīn lachen weinen kiesen sol.
diu wilden vogellīn betrüebet unser klage: