von heleden kunde nimmer wirs gejaget sīn.
ein tier daȥ si dā sluogen, daȥ weinden edeliu kint.
jā muosen sīn engelten vil guote wīgande sint.
Von grōȥer übermüete muget ir hœren sagen,
und von eislīcher rāche. dō hieȥ Hagene tragen
Sīfriden alsō tōten von Nibelunge lant
für eine kemenāten dā man Kriemhilde vant.
Er hieȥ in tougenlīchen legen an die türe,
daȥ sin dā solde vinden so si gienge derfüre
him zer mettīne ē daȥ eȥ wurde tac,