von den mīnen schulden müesen [weinende sīn].’
Sigemunt der herre den fürsten umbeslōȥ.
dō wart von sīnen vriunden der jāmer alsō grōȥ
daȥ von dem starken wuofe palas unde sal
und ouch diu stat ze Wormeȥ von ir weinen erschal.
Donẹ kunde niemen trœsten daȥ Sīfrides wīp.
man zōch ūȥ den kleidern den sīnen schœnen līp.
man wuosch im sīne wunden unt leit’ in ūf den rē.
dō was sīnen liuten von grōȥem jāmere wē.
Dō sprāchen* sīne recken von Nibelunge lant: