ir hetet mīn vergeȥȥen, des mag ich wol jehen,
da ịch dā wart gescheiden von mīme lieben man.
daȥ wolde got’, sprach Kriemhilt, ‘wær’ iȥ mir selber getān.’
Si buten vaste ir lougen. Kriemhilt begonde jehen
‘swelher sich unschuldige, der lāȥe daȥ gesehen;
der sol zuo der bāre vor den liuten gēn.
dā bī mac man die wārheit harte schiere verstēn.’
Daȥ ist ein michel wunder: vil dicke eȥ noch geschiht,
swā man den mortmeilen bī dem tōten siht,
sō bluotent im die wunden: als ouch dā gescach.