dō kōmen dise beide dā si in funden tōt,
Gērnōt ir bruoder und Gīselher daȥ kint.
in triuwen si in klageten mit den anderen sint.
Si weinden inneclīche den Kriemhilde man.
man solde messe singen: zuo dem münster dan
giengen allenthalben man wīp unde kint.
die sīn doch līhte enbāren, die weinden Sīfriden sint.
Gērnōt und Gīselher sprāchen: ‘swester mīn,
nu trœste dich nāch tōde, als iȥ doch muoȥ sīn.
wir wellen dich’s ergetzen die wīle unt wir geleben.’