Ow must ye make youre lynes in this wyse. Fyrste loke that ye haue an Instrument lyke vnto this fygure portrayed folowynge. Thenne take your heer & kytte of the smalle ende an hondfull large or more / For it is neyther stronge nor yet sure. Thenne torne the toppe to the taylle eue | ryche ylyke moche. And departe it in to thre partyes. Thenne knytte euery part at the one ende by hymself. And at the other ende knytte all thre togyder : and put ye same ende in that other ende of your Instrument that hath but one clyft. And sett that other ende faste wyth the wegge foure fyngers in alle shorter than your heer. Thenne twyne euery warpe one waye & ylyke moche : and fasten theym in thre clyftes ylyke streyghte. Take thenne out that other ende and twyne it that waye that it woll desyre ynough. Thenne streyne it a lytyll : and knytte it for vn | doynge : and that is good. And for to knowe to make your Instrument : loo here it is in fygure. And it shall be made of tree sauynge the bolte vnderneth : whiche shall be of yren. {8}
Han ye haue as many of the lynkys as ye suppose wol suffyse for the length of a lyne : thenne must ye knytte theym togyder wyth a water knotte or elles a duchys knotte. And whan your knotte is knytte : kytte of ye voyde shor | te endes a strawe brede for the knotte. Thus shal ye make you | re lynes fayr & fyne : and also ryght sure for ony manere fysshe. ¶ And by cause that ye sholde knowe bothe the water knotte & also the duchys knotte : loo theym here in fygure caste vnto the lyknesse of the draughte.
E shall vnderstonde that the moost subtyll & hardyste crafte in makynge of your harnays is for to make your hokis. For whoos makyng ye must haue fetefyles. thy
and sharpe & smalle beten : A semy cla
