VI
J'oy son triste et doux chant, Qui, d'un ton lamentable, Jette un regret trenchant De perte incomparable, Et, en souspirs cuisants Passe ses meilleurs ans.
"Fut-il de tel malheur De dure destinée, Ne si juste douleur De Dame fortunée, Qui mon cœur et mon œil Voy en biére et cercueil!
VIII
"Qui, en mon doux printemps Et fleur de ma jeunesse, Toutes les peines sens D'une extrême tristesse, Et en rien n'ay plaisir Qu'en regret et désir.
IX
"Ce qui m'estoit plaisant Ores m'est peine dure, Le jour le plus luisant M'est nuit noire et obscure, Et n'est rien si exquis. Qui de moi soit requis.
X
"J'ay au cœur et en l'œil Un portraict et image Qui figure mon dueil En mon pasle visage De violettes teint, Qui est l'amoureux teint.