"That sounds gude, and I hope ye will do as ye say; and ye may do it if ye look to the Strang for help."
After supper Donald put on his bonnet and went to Daft Jamie's. Mrs. McAllister smiled very blandly as he entered.
"Gude evenin' to ye, Donald. Ye hae keepit yoursel a great stranger o' late. What will ye be wantin'?"
"I am wantin' naething but to pay a bit debt. A man maun pay his debts, I suppose, though what he has bought has dune him no gude."
"Hoot, man! Hae ye taen to preachin'? Ye ken as weel as ony ane that it is gude whiskey we keep; and a drap o' gude whiskey hurts naebody."
"Na, Mistress McAllister, a drap wunna hurt ony ane; but wha stops at a drap, tell me?"
"Weel, Donald, ye ken it is a decent hoose we keep, and we dinna want ony drunken folk around us."
"Ay, I ken it; and that is ane reason why puir Rab went oot i' the cauld the night he got his death."
"Weel, weel, hae your ain opeenion aboot it, but dinna stand quarrellin' wi' me. Sin' ye dinna want onything ye may as weel be gaen."
"I will, Mistress McAllister, and there'll be mony a weet day afore I again cross your doorstane. Gude evenin' to ye."