"Weel, then, she s'all help me to graw young again."
"Ay, that will do. Keep a young heart in your auld body, and ye will weary naebody."
"Hoo comes it that ye are sae wise, neebor Murdoch?"
"I dinna think mysel wise."
"But ye aye gie gude advice."
"Weel, we hae this promise in the gude Book, 'They s'all a' be taught of God.' It may be that I hae been taught o' the Spirit. Warldly wisdom I hae nane, or next to nane; but I ken weel that the wisdom that God gies to those that ask it will be better to haud to when passing frae this to the untried warld than a' the wisdom o' the wisest men."