GRANT OF ARMS.
(Referred to at p. [35], note.)
A touts pñts et advenir qui ces pñts lettres verront ou orront Thomais Trowte autrement dit Norrey roy d’armes du norst de cestuy royalme d’Angleterre salut et dilection avec humble recomendacion: Equitie veult et raison ordonne que les hom̄es vertueulx et de noble courage soient per leurs merites par renommee remunerez et non par seulment leurs personnes en ceste vie mortelle tant breife & transitoire mes apres euls ceulx qui de leurs corpes ystront et serront procreez soient en touts placs̃ degraund honneur perpetuellemt devant autres luisans par certaines ensignes et de monstrances d’honneur et gentillesse. C’est ascavoir de blason heaillme & tymbre a fine que a leur example autres plus sefforcent de pseverement user leurs joures en faitz d’armes et ouvres verteuces pour acquirer la renowme d’auncienne gentillesse en leurs lignes & posterité: Et pource Je Norrey roy d’armes desusdit que non pas seulmt par commune renoume mais aussi par le report et testemoigne d’autres nobles hom̄es dignes de fois suy pour vray adverty et enforme que Alan Trowte natef de la counte de Norff. a longemt. poursuey les faicts de vertues et tant en ce quen autres ces affayres s’est porte vertuesment et honnor ablement gouverne tellement q’ill a bien deservy et est bien digne que doresnavannt perpetuellement lui et sa posterite soyent en touts placs honurables admits, renomeez, countez, nombrez, et receivez en nombre et en la campaigne dez autreiz auncients gentils et nobleis hommes: et pour la remembrance du celle sagentilesse par sa vertue del authorite et povoir annexes et attribues a men dit office de roy d’armes Jay devise, ordonne et assignee au dit Alan Trowte par luy et sa dite posterite le blason, heaulme et tymbre, en la maniere qui sensuit c’est ascavoir ung escu d’or ung cheveron de purpure troys testes moriens de sable crounes de troyes trovels d’argent: le timbre sur le heaulme ung teste morien assis dedans ung torse entre deux eliez pale du Champ et du cheveron & emant elle de sables sommees de cinq foyles doublee d’or si come le picture en le merge cy devant le demonstre: A voyir et tenir par luy et sa dit posterite et eux on revestir a tous jourmais. En testemoiging de ce Je Norrey roy d’armes desus nomée ay signe de ma main et selle de mon seale ces p’senteis fait et donne a Londrez le viij jour de novēbre l’an de ñre seign Jesus Christ mccclxxvj et l’an de ñre seign roy Edwarde le Tierce apres le conquest xvj.
This Patent was examined with the Record in the College of Arms by Charles Townley, York Herald, 29. Apr. 1745.
N. B. There is a mistake in the date, either in the year of Our Lord, or of the King.
