Eb’ry night de Debbil go out. An’ as him go out, come in an’ say, “Wife, I scent fresh blood!” De wife said to him, “No, me husband, no fresh blood in heah!” Was de wife’s sisters come an’ look fe him. So eb’ry night when de debbil coming in, de wife know when him coming in an’ put up de sister into a barrel. [[88]]

Daylight a mo’ning, de Debbil gone back ober de ribber gone sit down. So gi’ de sister a plantain an’ tell her when she reach de hill, him will see her husband sit down right ober de hill, an’ de Debbil will say, “Go s’y (go your way), madame?” An’ mus’ say, “No one go s’y, no two go s’y, no t’ree go s’y, but, ’im go s’y fe him mamma,” an’ de Debbil let him pass. Got a little small sister. Dis sister greedy. An’ de Debbil come in de night say, “Me wife, eb’ry night I come, I smell fresh blood!” An’ de wife said, “No, me husband!” An’ when de daylight, de Debbil go away ober to de hill an’ de sister send away de little girl an’ gi’ him a plantain. An’ when de little girl go on de hill, him see de Debbil. De Debbil say, “Go s’y?” De little girl say (him so greedy now), “No, go s’y fe mamma, no one go s’y, no two go s’y, no t’ree go s’y, no go s’y fe mamma.” De Debbil ketch him ober de hill an carry him right ober to de ribber an’ kill him. An’ from dat day, de Debbil hair off him head at de sea-side; an’ from dat de sea got moss.

[[Contents]]

77. Alimoty and Aliminty. [[Note]]

Julia Gentle, Santa Cruz Mountains.

One day a lady have two daughter, but her sister have one. Sister daughter name Alimoty. An’ everybody love Alimoty, but nobody love him daughter. An’ him go to de Lion an’ say to de Lion he mus’ kill Alimoty for him. Den de Lion say him mus’ put on red frock on Alimoty an’ blue frock on to him daughter when him going to bed. An’ after him going to bed, de girl say, “Cousin Alimoty, yo’ red frock don’ fit you; let us swap!” An’ deh swap. An’ de Lion kill de lady daughter, lef’ one. Den de lady tell de Lion mus’ kill Alimoty whom everybody love an’ don’ love him daughter. Den he said, “To-night you mus’ sew on de red frock on Alimoty an’ de blue frock on to you daughter, an’ I come an’ kill him to-night.” And when deh go to bed, deh swap again, an’ de Lion kill de lady daughter,—have none now! Den de Lion said, “Tomorrow sen’ Alimoty to me yard; I will kill him.” Den Alimoty was going t’ru de yard an’ de dead mudder give him a bottle of milk, drop it an’ run off. Alimoty sing,—

“Poor me, Alimoty,

Poor Alimoty,

A me Dickie sahnie o-o,

See me go long a wid two.”