An’ de water go roun’ so, an’ de Jack-fish come out. An’ de fader shoot him eh-h-h-h, an’ de Jack-fish tu’n right over; an’ de fader tek off him clo’es an’ jump in de water an’ swim an’ tek out de Jack-fish an’ carry to de yard.
An’ as him begun to scale de fish, one of de scale fly all de way some two miles an’ go an’ meet Lydia an’ drop at Lydia breast. An’ when Lydia tek off de scale of de fish an’ notice de fish-scale, him fin’ it was Timbo limbo scale. An’ she start crying an’ run on to de yard, an’ didn’t mek no delay, only tek up him jar an’ went to de ribber an’ him ’tart him song,—
“Timbo Limbo,
Same gal Lydia,
Timbo Limbo o!”
De Jack-fish didn’t come up. An’ ’tart a-singin’ again,
“Timbo Limbo,
Same gal Lydia,
Timbo Limbo o-o!”
De water stay steady. An’ tek up de song again,