[[audio/mpeg]] | [MusicXML]]
♩ = 80
Oh, me dear-est ma-ma, me mu-ma, oh, Poor me one, oh, Peace,
rit.
oh, a ring down. Ah, me dear-est ma-ma,
ring down peace, oh, a ring down, Ah, ye ring down.
And at de said time, de young girl had a sweetheart outside name of William. An’ William mamma heard de song ’pon de ribber-side and send away to carpenter-shop an’ tell William heard his girl singing quite mournful on ribber-side. An’ him go up on lime-tree an’ pick four lime an’ gwine a fowl-nest an’ tek four fowl-egg an’ gwine a turkey-nest an’ tek four turkey-egg an’ tek four marble, an’ call de girl an’ put her before him. An’ William an’ de girl mudder-in-law come to a battle at de ribber-side an’ William kill de woman. An’ he put de girl before him an’ carry her home an’ marry her.
81. Bosen Corner. [[Note]]
Martha Roe, Maroon Town, Cock-pit country.
A woman have two daughter; one was her own chil’ an’ one was her daughter-in-law. So she didn’t use her daughter-in-law good. So de place whe’ dem go fe water a bad place, Ol’ Witch country. De place name Bosen Corner. One day she sen’ de daughter-in-law fe water. So when she go long, she see so-so[1] head in de road; she put her hand on belly mek kind howdy. Go on again, see two foot go one in anudder so (crossed) in de road. An’ say, “Howdy, papa.” So-so foot say, “Gal, whe’ you gwine?” She said, “Mamma sen’ me a Bosen Corner fe water.” He say, “Go on, gal; good befo’ an’ bad behin’.” She go on till she ketch to a little hut, see one ol’ lady sit down deh. She say, “Howdy, nana.” De ol’ lady say, “Whe’ you gwine?” Say, “Ma sen’ me a Bosen Corner fe water, ma’am.” De ol’ lady say, “Come in here; late night goin’ tek you.” De Ol’ Witch go pick up one piece of bone out dungle-heap an’ choppy up putty in pot, an’ [[95]]four grain of rice. Boil de pot full of meat an’ rice an’ get de gal dinner. De gal eat, an’ eat done call her say, “Me gal, come here ’cratch me back.” When she run her han’ ’cratch her back so, back pick all de gal han’ so it bleed. Ol’ Witch ask her, “What de matter you’ han’?” Say, “Not’ing, ma’am.” Even when it cut up all bleed, never say not’ing. When she go sit down, ol’ lady go out of door come in one ol’ cat. De ol’ cat come in de gal lap, an’ she hug it up an’ coax de cat an’ was so kin’ to de cat. An’ de gal sleep an’ get up to go away in de mo’ning. De ol’ lady tell her say mus’ go roun’ de house see some fowl-egg. She tell de gal say, de egg whe’ she hear say “Tek me! tek me!” dem are big egg; she musn’t tek dem; small egg say, “No tek me!” she mus’ tek four. First cross-road ketch, she mus’ mash one. Firs’ cross-road she mash one de egg, an’ see into a big pretty common. Second cross-road she mash udder one; de common pack up wid cow an’ goat an’ sheep an’ ev’ryt’ing dat a gentleman possess in property. De t’ird cross-road she mash anudder one; she saw a pretty young gentleman come out into a buggy. De fourt’ cross-road she mash de las’ egg an’ fin’ de gentleman is a prince an’ he marry her.