“Money won’t take you ’round de island like civility.”[1]
[1] The proverb is added from an old mammy of over a hundred years. [↑]
83. Andrew and his Sisters. [[Note]]
Thomas White, Maroon Town.
A woman have t’ree daughter an’ one son, an’ de son was a yawzy ’kin.[1] De t’ree sister, one name Madame Sally, one name [[100]]Madame Queen Anne, one name Madame Fanny, an’ de brudder name Andrew. De t’ree sister don’ count much by de brudder. An’ one day dem goin’ out to see frien’, an’ bake pone an’, in de mo’ning, tell der mudder good-by an’ tell der fader good-by; dey never speak to de yawzy boy Andrew. Travel de whole day till late tek dem. An’ dey look out on a common, dey saw a big white house an’ dey call up an’ ax fe a lodging fe de night, an’ de woman in de house tell dem yes. An’ it was an Ol’ Witch house dem goin’ to sleep. De Ol’ Witch woman cook dinner give dem, an’ bed-time get a nice bed to sleep in. An’ de Ol’ Witch woman drug dem, an’ dey fallen in sleep.
At de said time, de yawzy ’kin brudder Andrew was half Ol’ Witch an’ he know what his sister was goin’ to meet in de night. An’ he follow dem whole day, until night, when de girl gone to bed, de Ol’ Witch brudder fin’ himself under de Ol’ Witch house. An’ dis Ol’ Witch woman had t’ree copper hung up into her house. An’ part of de night when de girl were in sleep, Ol’ Witch went to kill one of de girl. As him catch de girl t’roat for go cut i’, yawzy boy Andrew cry out,—
[[audio/mpeg]] | [MusicXML]]