Moody say me mustn’t go.”
Meet to fight now, an’ de ol’ toss up him son into the air an’ he drop on four feet. An’ the son lif’ him up in de air now; when de fader coming down, one foot break. An’ he ’tamp on de t’ree foot an’ lif’ him son higher again. An’ him son lif’ him up again in de air, an’ when he coming again, break one of de other foot. An’ all de cow now running to the river for water wouldn’t bother with the ol’ bull at all, everybody for the young one. An’ lif’ up de young bull again deh ’pon him two foot, lif up in de air, an’ de young bull drop on him four foot back. An’ de young bull lif’ him up again; when he drop, he break de udder [[113]]foot. Lif’ up de son again, but he couldn’t go too far wid him; an’ his son lif’ him up in de air again break de udder foot. An’ he lay down on him belly fe fight an’ lif’ up him son, but him couldn’t go too far wid him foot. An’ him son lif’ him up de las’, now, lif’ him up in de air; an’ when him come down, break him neck. An’ from dat day, all young bull grow in pen; not’ing to destroy dem.
89. Ballinder Bull. [[Note]]
Richard Morgan, Santa Cruz Mountains.
Der is a bull de name of Ballinder Bull, but dem right name King Bymandorum. It is a wicked bull. De king said whoever kill Ballinder Bull, he will get his two daughter to marry to. All de men in de worl’ try, an’ couldn’t kill him. One day, an’ ol’ lady stood by an’ a woman was breedin’ go to de horsepon’ to tek water. De bull buck out de baby out of her an’ went away. De ol’ lady tek de baby an’ rear him. When him come a good-sized boy, he send him to school. Every twelve o’clock when dey play marble, he lucky to win. De res’ a chil’ tell him said, “A da you mek so!” Four o’clock when him coming home, him say, “Ma, why de reason when I win doz odder chil’ sai, “A da you mek so?” Him ma tell him tomorrow twelve o’clock get one switch play wid de least one an’ after you win him tell you “A da you mek so!” gi’ him two good lick an’ you will come to know why dey use de word. So twelve o’clock he play an’ win, an’ tell him “A da you mek so!” He gi’ him de two lick, an’ after he give him de lick he said, “Hit let Ballinder Bull buck you out of you mudder belly.” When de boy return home he said, “O mudder, you is not me right mudder!” De ol’ lady said no, begun to tell him all dese t’ings were happen. De boy said, “Anywhere Ballinder Bull, a gwine kill him!”
Dis bull got gol’en tongue an’ gol’en teet’. When de boy gwine along, him meet some noblemen and said, “My little boy, where am you goin’?” An’ said, “I gwine a fight Ballinder Bull.” De men said, “Boy, we after Ballinder Bull fe dis many year an’ kyan’t ketch him; what you t’ink upon you?” De boy said, “Never min’, I gwine fight him!” De boy went where him feedin’. Bull never see him, go drink water. De boy go to de cotton-tree an’ say, “Bear down, me good cotton-tree, bear down!” De cotton-tree bear down. Said, “Bear up, me good cotton-tree, bear up!” When de bull was coming, he hear de singin’, [[114]]
“Anywhere Ballinder Bull,
De’ will kill him to-day!”
Ballinder Bull say, “What little boy up in de air jeering me as dis?” When he come, he fire bow an’ arrow; de boy catch it. Him fire anodder one, an’ he fire out de seven; de boy caught every one. De boy look on him an’ sen’ one of de bow an’ arrow, peg down one of de han’. An’ tek de odder one an’ sen it t’ru de odder han’. He sen’ anodder an’ peg down one of de foot. He sen’ anodder an’ peg down de odder foot. He sen’ anodder, he peg down one of de ears. He sen’ anodder an’ peg down de odder ear. De las’ one, he sen it t’ru de head. An’ he say, “Bear down, me good cotton-tree, bear down!” When de cotton-tree bear down, he catch de ears an’ pinch it an’ fin’ dat de bull was dead. An’ he came off an’ say, “Bear up, me good cotton-tree, bear up!” an’ de cotton-tree bear up. An’ tek a knife an’ tek out de teet’, tek out de tongue an’ travel.