21. Anansi and the Tar-baby. [[Note]]
a. The Escape from Tiger.
Richard Morgan, Santa Cruz Mountains.
Tiger got a groun’ plant some peas an’ get Hanansi to watch it. Me’while Hanansi are de watchman, himself stealin’ de peas. Tiger tar a ’tump, put on broad hat on de ’tump. Hanansi come an’ say, “Who are you in de groun’?” Him don hear no answer. He hol’ him. His han’ fasten. He hol’ him wid de odder han’. Dat han’ fasten. He said, “Aw right! you hol’ me two han’, I bet you I buck you!” He head fasten. Said, “I bet you, I kick you!” Him two feet fasten. Den he say, “Poor me bwoy! you a watchman an’ me a watchman!” So begin to sing,
“Mediany dead an’ gone.”
Nex’ mawnin’ Tiger come an’ say, “Why Brar Hanansi, a you been mashin’ me up?”[1] Tiger tak him out. Tiger said wha’ fe him do wid him now? Hanansi say, “What you fe do? Mak a fire, bu’n me.” Tiger go ’way, mak up him fire, ketch Hanansi go fe t’row him in de fire. Hanansi say, “Brer Tiger, you don’ know to burn somebody yet? You mus’ jump ober de fire t’ree time, den [[24]]me a count.” Tiger jump one, an’ jump again, two, an’ jump again, t’ree, an’ go fe jump again. Hanansi kick down Tiger into de fire, den go back now go finish off de peas.
b. The Substitute.
George Parkes, Mandeville.