b. Guinea-chick.
Alexander Archibald, Mandeville.
Anansi make law if anyone talk de odder one, he dead. He get up on one cave roadside, go working ground. Cow a pass, go see him. Anansi say, “Des a try a work one groun’ heah.” So when Cow go long, pass him, Cow say, “Chuh! man fool! man kyan’t work groun’ ’pon rock-stone!” As Cow say so, Cow tumble down dead. Den Anansi go pick him up, go eat.
Hog came. Hog ax him say, “A wha’ yo’ a doin’ heah?”—“A try a work a groun’.” Hog pass him.—“Chuh! man kyan’t look upon rock-stone an’ say me work groun’!” As Hog say so, him drop dead. Anansi pick him up, go eat.
Guinea-chick say, “I will go deh!” Guinea-chick put on him clo’es same as a go market. So when he come an’ see Anansi upon de stone a dig, tie him head wid a check handkerchief—dat are Guinea-chick—an’ pass Anansi, no ’peak to him. Dat time him go long Anansi say, “Dat dar fool!” Den Anansi drop dead.
Jack man dory! [[42]]
c. Dry-head at the Barber’s.
Charles Thompson, Harmony Hall.
Once Anansi and But[3] made agreement that they wasn’t to talk one another. Anansi went to a road and But went to one. Part of the day, Dry-head was passing where Anansi was working and complain to Anansi that he going out to a ball to-night and he going to a barber-shop to get his hair barber. And after he gone Anansi say, “Pardon me, me Lord! whe’ Brar Dry-head get hair on his head to go to de barber-shop to barber?” An’ Anansi fell down an’ died, an’ But went back an’ pick him up an’ eat him.