Endorsed:

(a) Archives du Royaume. Trésor des chartes. T. 650. 11. Inventaire des meubles de la chapelle Robbes et Vêtemens fournis par le Roi dAngleterre pour sa sœur Marie Femme de Louis xii.

This has been collated with a fragment of the original copy given to the master of the English wardrobe. MSS Cotton. Vitellius xi. 158, British Museum.

(b) Archives du Royaume. Trésor des chartes. T. 650.11. Inventaire des chevaux haquenees et haubins, litiere et chariots, &c. fournis par le Roi dAngleterre pour sa sœur Marie Femme de Louis xii.

(a) Cy apres sensuyvent les meubles de la chapelle habillemens qui sont robes coctes habillemens de teste manches et aussi litz cielz doucielz cote-pointes Linges cossins et autres utencilles pareillement tapisseries tapez veluz et autres choses le tout delivre et mis es mains du tres xtien Roy Loys de France xiie de ce nom. En la presence, de Messrs Thomas Bohier, Jacques de Beaune et Henry Bohier chevalliers et conseiller dv dit Seigneur Roy Loys de France et generaulx de ses finances par Mess. Andre de Windesore chevallier conseiller et maistre de la grant garde Robe du tres excellent et tres puissant prince Henry Roy dAngleterre et de France huitme de ce nom. Les dits meubles utencilles et autres choses donnees ordonnes et establyes par le dit Roy dAngleterre et de France a tres haulte et tres excellente princesse Madame Marie a present Royne de France sa sœur pour le service et usage de son corps et autres usaiges et services. Ce present inventaire fait en la ville dAbbeville le xj et xij jours doctobre lan mil cinq cens et quatorze. Du quel inventaire ont este faiz et arretez deux rolles lung signe par le maistre de la grant garde robe lequel doit demeurer es mains du dit Roy Loys de France et lautre inventaire signe par les dits generaulx doit demeurer es mains de dit Roy dAngleterre et de France et ont les dites Rolles este endentelez par le hault pour les adjointer et recognoistre quant besoign sera et que le cas les requerra pour lung & pour lautre des dits deux Roys.

Et premierement pour la chapelle.

Tapisserie.

Tapisserie.

Andrew de Wyndesore. Andrew de Wyndesore.

Premierement quatre pieces de tappisserie pour tendre la chapelle qui sont de Damas blancs et cramoisy chacune tappisserie de largeur de six damas doublez de bougran vert.