ipse mihi placuit mendis in talibus error,
et uix inuita facta litura manu est.
'uiderit! ad summam,' dixi 'licet ipse queratur,15
hanc pudet offensam non meruisse prius.'
da mihi, si quid ea est, hebetantem pectora Lethen,
oblitus potero non tamen esse tui;
idque sinas oro, nec fastidita repellas
uerba, nec officio crimen inesse putes,20
et leuis haec meritis referatur gratia tantis;
si minus, inuito te quoque gratus ero.
numquam pigra fuit nostris tua gratia rebus,
nec mihi munificas arca negauit opes.
nunc quoque nil subitis clementia territa fatis25
auxilium uitae fertque feretque meae.

13 mendis] mensis C || 14 manu est] manu T || 15 summam] summum LT finem F2(gl) || ipse FTP ille BCMHIL || 16 hanc HI ha MFLT ah B a C hunc J. N. Grant || meruisse] merunisse Mac || 18 non] nec L || 19 quid pro nec H, incertum || fastidita] fastidia F1 || 20 putes] putas L puta I puto Bac, ut uid || 21 et] sed fort legendum || leuis] lenis L || haec meritis] e meritis F1T emeritis HM2 || 23 numquam] non quam M || 24 mihi om C || negauit] negabit C || 25 nunc] hunc C || quoque] quisque C || nil] non MpcF1 nunc P || 26 feretque Heinsius refertque MFHILTB2 referta C refert B1

unde rogas forsan fiducia tanta futuri
sit mihi? quod fecit quisque tuetur opus,
ut Venus artificis labor est et gloria Coi,
aequoreo madidas quae premit imbre comas,30
arcis ut Actaeae uel eburna uel aerea custos
bellica Phidiaca stat dea facta manu,
uindicat ut Calamis laudem quos fecit equorum,
ut similis uerae uacca Myronis opus,
sic ego sum rerum non ultima, Sexte, tuarum35
tutelaeque feror munus opusque tuae.

27 unde] un* B1 || futuri] futura ITF2 || 28 quisque ex quique C, ut uid || 29 ut] et T || est] et Iac || 30 aequoreo] equoreas Tac || 31 arcis] artis LP || ut Actaeae] et actee T ut athee L utaaceae C, ut uid || eburna] uberna C || aerea fragmentum Louaniense Heinsii (Korn, Lenz), codex Iunianus Heinsii (Korn); uide Haupt Opuscula 584 aurea Heinsius enea (=aenea) BMFHILT, contra metrum anea C || 32 Phidiaca] phasadica C || facta] ficta Heinsius || 33 Calamis BCIacL calais MFIpcTP cala bis H, ut uid || laudem] laudes B2 || quos] quas Bac que Iac, ut uid || sum] pars excerpta Politiani res M2(gl?) || non] pars F om P || ultima] ultimȩ (=ultimae) C || 36 tuae] teuȩ (=teuae) C

II

Quod legis, o uates magnorum maxime regum,
uenit ab intonsis usque, Seuere, Getis;
cuius adhuc nomen nostros tacuisse libellos,
si modo permittis dicere uera, pudet.
orba tamen numeris cessauit epistula numquam5
ire per alternas officiosa uices;
carmina sola tibi memorem testantia curam
non data sunt—quid enim quae facis ipse darem?
quis mel Aristaeo, quis Baccho uina Falerna,
Triptolemo fruges, poma det Alcinoo?10
fertile pectus habes, interque Helicona colentes
uberius nulli prouenit ista seges.
'mittere ad hunc carmen frondes erat addere siluis.'
haec mihi cunctandi causa, Seuere, fuit.

seuero B2H2 seuero amico suo M ad mauximum F1 [sic] ad seuerum F2I2 hanc epistulam mittit seuero L || 1 regum] rerum C uatum M1FIL || 2 intonsis] intensis H euxinis M1 inuisis F2ul || 5 orba ... numeris] uerba ... numerus C || cessauit] cessabit B1 || 6 uices] uias T || 8 quae] quod T || 9 Falerna] falerno M || 10 triptolemo] triptolomo CL tritolemo F tritolomo IT || det] dat FT || 11 interque] inter I || 13 ad hunc carmen] carmen ad hunc fragmentum Louaniense Heinsii (Lenz) || 14 cunctandi] cunctanti FH cunctadi I

nec tamen ingenium nobis respondet ut ante,15
sed siccum sterili uomere litus aro;
scilicet ut limus uenas excaecat †in undis†,
laesaque suppresso fonte resistit aqua,
pectora sic mea sunt limo uitiata malorum,
et carmen uena pauperiore fluit.20
si quis in hac ipsum terra posuisset Homerum,
esset, crede mihi, factus et ipse Getes.
da ueniam fasso: studiis quoque frena remisi,
ducitur et digitis littera rara meis.
impetus ille sacer qui uatum pectora nutrit,25
qui prius in nobis esse solebat, abest;
uix uenit ad partes, uix sumptae Musa tabellae
imponit pigras, paene coacta, manus,

17 uenas excaecat MFIT cum uenas cecat BCHL uenas cum caecat Castiglioni (Lenz) || in undis] in unda F in aruis Dalzell inundans Madvig (Lenz) apertas uel aquarum Tarrant hiulcas Merkel olim (1884) || 18 laesaque] lessaque Mac lapsaque Merkel (1884) || resistit] resistat L || 21 Homerum] homorum H1 quid Cac, incertum (hameo?) || 22 ipse MFH ille BCILT || 23 studiis] studii FIMpc || quoque frena] frena quoque Iac || 26 quid pro qui HP, incertum || nobis] uobis M || abest] adest T || 27 uix sumptae ... tabellae BCMFHL (uix ex uin C, ut uid) uix sumpta ... tabella T assumpte ... tabelle I || 28 imponit] imposuit I