Curia Thome Archiepiscopi Cantuarensis et Edwardi Comitis Roteland tenta ibidem die Iouis proxima ante festum S. Bartholomaei apostoli anno r. r. Ricardi Secundi post conquestum vicesimo primo.
Inquisicio ex officio coram Ricardo Wythmerssh senescallo de Haueryng atte Boure per sacramentum Walteri Herstman——juratorum qui dicunt supra sacramentum suum quod Alicia Dyere que de domino Rege tenuit duas acras terre in marisco obiit seisita. Et quod Thomas de Donne filius predicte Alicie est eius heres propinquior et plene etatis, ideo preceptum seisire dictam terram in manus domini et respondere de exitu quali etc. Item dicunt quod idem Thomas ingressus est feodum domini videlicet unum mesuagium cum pertinentiis in Romford quod habuit ex dono et feofamento Iohannis Cole ideo preceptum ipsum distringere pro fidelitate et relevio etc. Item predicta Inquisitio onerata super sacramentum suum si aliquis homo nativus de sanguine ingressus fuerit feodum domini nec ne et quantum feodum illud valeat per annum dicit quod non est aliquis homo nativus de sanguine ingressus feodum domini. Set dicunt quod est quidam Iohannes Shillyng qui sepius dictus fuerat fore nativus. Et dicunt ultra quod quidam Iohannes Shillyng pater predicti Iohannis fuit alienigena et quod predictus Iohannes Shillyng quo ad eorum cognitionem est liber et libere conditionis et non nativus. Item prefata inquisitio dicit quod Robertus Clement de London Sadelere ingressus est feodum domini videlicet unum mesuagium cum pertinenciis in Romford quod habuit ex dono et concessione Iohannis Cole Taillor ideo preceptum ipsum distringere pro fidelitate et relevio etc.
Item dicunt quod quidam homo veniens in comitiva domini Regis dimisit quemdam equum in hospicio Iohannis atte Heth et cepit ibidem unum alium equum etc. et dimisit predictum equum ibidem stare per unum mensem absque aliquid clamando de predicto equo ideo preceptum dictum equum seisire ad opus domini Regis et inde Regi respondere.
Curia ibidem tenta die Iouis proxima post festum S. Martini anno r. r. Ricardi secundi post conquestum vicesimo primo.
Compertum est per inquisicionem ex officio captam per sacramentum Thome Olyuere ... Qui dicunt super sacramentum suum quod quidam Iohannes Pecok quondam tenuit unam peciam terre in marisco vocatam Wattiscroft pro qua quidem terra reparabat et reparare tenebatur quoddam murum in marisco erga Tamisiam in defensum aque inundantis. Et idem Iohannes Pecok de terra predicta obiit seisitus. Et quod quidam Iohannes filius predicti Iohannis Pecok est eius heres propinquus. Et dicunt quod predictus murus est wastatus pro defectu reparacionis ita quod aque Tamisie inundans superfluit murum predictum et demergit mariscum predictum ad grave dampnum domini Regis et tenencium suorum.
Et predictus Iohannes filius Iohannis Pecok in propria persona sua dicit quod non supponitur per presentacionem predictam quod terra predicta vocata Wattiscroft prefato Iohanni filio predicti Iohannis Pecok descendebat post mortem Iohannis Pecok patris sui nec quod predictus Iohannes filius Iohannis Pecok aliquo tempore fuit tenens terre predicte vocate Wattiscroft. Et si videtur Curie quod protestacio est sufficiens, etc. dicit per protestacionem quod ipse non fuit heres predicti Iohannis Pecok patris sui tempore mortis sue, etc. Et ulterius protestando dicit quod predicta terra vocata Wattiscroft tenetur ad communem legem. Et ulterius dicit pro placito quod ipse numquam habuit poscessionem manualem de terra predicta set dicit quod quidam Iohannes Harwere post decessum predicti Iohannis patris sui et longo tempore ante inquisicionem predictam captam intravit in terram predictam ad usum cujusdam Iohannis Selman ... Et dictum est pro domino Rege quod predictus Iohannes filius predicti Iohannis Pecok fuit tenens terre predicte die quo inquisicio predicta capta fuit. Et petitum est per dominum Regem quod inquiratur per patriam. Et pro predicto Iohanne filio, etc. similiter. [Jurati] dicunt super sacramentum suum quod predictus Iohannes Pecok vivente predicto Iohanne patre suo occupavit predictam terram vocatam Wattiscroft per voluntatem patris sui et cepit inde exitus et proficua. Et postea predictus Iohannes Pecok pater, etc. obiit post cujus mortem predictus Iohannes filius, etc. intrauit ut filius et heres et terram predictam ocupavit et inde cepit exitus proficua, etc. Et dicunt quod est eorum consuetudo quod nullus homo adquireret sibi aliquam terram in marisco que oneratur ex reparacione alicuius muri in marisco erga Tamisiam nisi haberet sufficientem tenuram in eodem dominio extra mariscum que poterit portare omnes reparaciones illius muri in marisco quum necesse fuerit. Et dicunt esciam quod Iohannes Selman non fuit tenens terre predicte vocate Wattiscroft die quo officium predictum captum fuit set quod predictus Iohannes filius, etc. terram predictam occupavit usque in diem quo predictum officium captum fuit. Et dicunt quod est ad dampnum domini Regis quod murus predictus non fuit reparatus predicto die, etc. de triginta et octo solidis uno obolo.
Curia ibidem tenta die Iouis in festo S. Iohannis Apostoli et Evangeliste anno r. r. Ricardi post Conquestum vicesimo primo.
Dominus Rex mandauit breue suum clausum Ballivis Edwardi Ducis Albemarle de Haueryng atte Boure ... Precepimus vobis quod sine dilacione et secundum consuetudinem manerii de Haueryng atte Boure plenum rectum teneatis Ricardo filio Iohannis Legati de uno mesuagio viginti et octo acris terre et una acra prati cum pertinenciis, etc.... Et predictus Ricardus invenit plegios ad prosequendum breue predictum ... Et fecit protestacionem ad sequendum breue predictum in natura breuis de convencione. Virtute cuius brevis preceptum Ballivo quod summonere faciat per bonos summonitores secundum consuetudinem manerii de Haueryng atte Boure, etc....
Curia tenta ibidem die Iouis proxima ... vicesimo tercio.