Differt a Galio septentrionali R. et Sch. seu Galio boreali, Pursh. caulis angulis asperis, foliis præsertim subtus et supra circa margines, setulis exiguis hispidis, fructu (immaturo saltem) densissimis setis rectis, neque apice uncinatis, candicante. Folia margine revoluta.
CAPRIFOLIACEÆ
Symphoria glomerata, Pursh. (Symphoricarpus vulgaris, De C. Michx.)
SYNANTHEREÆ
Cirsium lanceolatum, Scop.
Liatris Punctata, Hook. Fl. Bor.—Amer. I. p. 306, t. 105, De C. Prodr. V. p. 129, n. 5. Var. caule glabro. Huius loci esse videtur Liatris resinosa, De C. in horto Genevensi culta, semine a cl. Pourtalès ex Arcansas allato, nec. vero Nuttall.
Kuhnia Maximiliani, Sinning. (Sectio Strigia, De C.) caule herbaceo, foliis ovato-lanceolatis, inferioribus a medio grosse et inæqualiter serratis superioribus subintegerrimis sessilibusque, corymbo terminali composito ♃.
Kuhnia suaveolens, Fres. in En. Sem. horti Francofurtensis anno 1838.
Habitat in sylvis, frutetis et in collibus ad Missouri fluvium superiorem prope Fort Clark.
Differt evidenter a Kuhnia eupatorioide: foliis saltem superioribus plerisque, haud petiolatis sed basi parum angustiori sessilibus, inferioribus ovato-oblongis uno alterove dente absque ordine præditis, superioribus ovato lanceolatis lanceolatisve integerrimis, utrinque, præsertim subtus, glandulis micantibus inspersa, corymbo plurifloro magis patula, involucri foliolis inferioribus valde decrescentibus anguste linearibus laxe patulis. Corollæ albæ. Involucri foliola superiora oblongo lanceolata, nervoso striata. Antheræ inclusæ pallidæ, in plerisque syngenesicæ sed solito facilius separabiles multis etiara in tubum hinc fissum aut in binas partes divisum concretæ. Styli rami crassi, obtusi, papuloso-asperi. Pappus plumosus albus basi flavescens.