THE HYMNS of
PRUDENTIUS
TRANSLATED
by R ·
MARTIN ·
POPE
MDCCCCV PUBLISHED BY J.M. DENT
AND CO: ALDINE HOUSE LONDON W C

CATHEMERINON LIBER
OF
PRUDENTIUS

HYMNS FOR THE CHRISTIAN'S DAY
NEWLY TRANSLATED INTO
ENGLISH VERSE

Table of Contents to the Electronic Edition

[Praefatio] [Preface] [I. Hymnus ad Galli Cantum] [I. Hymn at Cock-Crow] [II. Hymnus Matutinus] [II. Morning Hymn] [III. Hymnus ante Cibum] [III. Hymn before Meat] [IV. Hymnus post Cibum] [IV. Hymn after Meat] [V. Hymnus ad Incensum Lucernae] [V. Hymn for the Lighting of the Lamps] [VI. Hymnus ante Somnum] [VI. Hymn before Sleep] [VII. Hymnus Ieiunantium] [VII. Hymn for Those Who Fast] [VIII. Hymnus post Ieiunium] [VIII. Hymn after Fasting] [IX. Hymnus Omnis Horae] [IX. Hymn for All Hours] [X. Hymnus ad Exequias Defuncti] [X. Hymn for the Burial of the Dead] [XI. Hymnus Kalendas Ianuarias] [XI. Hymn for Christmas-Day] [XII. Hymnus Epiphaniae] [XII. Hymn for the Epiphany] [Epilogus] [Epilogue] [Notes] [Translator's Note] [The Title] [The Preface] [I] [II] [III] [IV] [V] [VI] [VII] [VIII] [IX] [X] [XI] [XII]

[PRAEFATIO]

Per quinquennia iam [decem], ni fallor, fuimus: septimus insuper annum cardo rotat, dum fruimur sole volubili. Instat terminus et diem 5vicinum senio iam Deus adplicat. Quid nos utile tanti spatio temporis egimus? Aetas prima crepantibus levit sub ferulis: mox docuit [toga] infectum vitiis falsa loqui, non sine crimine. 10Tum lasciva protervitas, et luxus petulans (heu pudet ac piget) foedavit iuvenem nequitiae sordibus ac luto. Exin iurgia turbidos armarunt animos et male pertinax 15vincendi studium subiacuit casibus asperis. Bis legum [moderamine] frenos nobilium reximus urbium, ius civile bonis reddidimus, terruimus reos. Tandem militiae gradu 20evectum pietas principis extulit adsumptum propius stare iubens ordine proximo. Haec dum vita volans agit, inrepsit subito canities seni oblitum veteris me Saliae consulis [arguens:] 25ex quo prima dies mihi quam multas hiemes volverit et rosas pratis post glaciem reddiderit, nix capitis probat. Numquid talia proderunt carnis post obitum vel bona vel mala, 30cum iam, quidquid id est, quod fueram, mors aboleverit? Dicendum mihi; Quisquis es, mundum, quem coluit, mens tua perdidit: non sunt illa Dei, quae studuit, cuius habeberis. Atqui fine sub ultimo 35peccatrix anima stultitiam exuat: saltem voce Deum concelebret, si meritis nequit: hymnis continuet dies, nec nox ulla vacet, quin Dominum canat: pugnet contra hereses, catholicam discutiat fidem, 40conculcet sacra gentium, labem, Roma, tuis inferat idolis, carmen martyribus devoveat, laudet apostolos. Haec dum scribo vel eloquor, vinclis o utinam corporis emicem 45liber, quo tulerit lingua sono mobilis ultimo.

[PREFACE]