Or ellis he is a fool as clerkes sayn.
Oure maunciple I hope he wil be ded—
Swa werkes hym ay the wanges in his heed.
And therefore is I come and eek Aleyn—
To grynde oure corn, and carye it ham agayne,
I pray yow spedes[[77]] us hethen that ye may.
It shal be done, quod Symkyn, by my fay!
What wol ye done while it is in hande?
By God, right by the hoper wol I stande,
Quod John, and see how gates the corn gas inne;