Cuncta gelu canâque æternum grandine tecta,
Atque ævi glaciem cohibent: riget ardua montis
Ætherii facies, surgentique obvia Phœbo
Duratas nescit flammis mollire pruinas.
Quantum Tartareus regni pallentis hiatus
Ad manes imos atque atræ stagna paludis
A supera tellure patet; tam longa per auras
Erigitur tellus et cœlum intercipit umbrà.
Nullum ver usquam, nullique æstatis honores;
Sola jugis habitat diris sedesque tuetur