Pegened. 1. "Sint tam deinceps quatuor ex liberalioribus hominibus, qui habent saluas suas debitas consuetudines (quos Angli Pegened appellant) in qualibet regni mei prouincia constituti, ad iustitiam distribuēdam, vna cum pœna merita & materijs forrestæ cuncto populo meo, tam Anglis quàm Danis per totum regnum meum Angliæ, quos quatuor primarios forestæ appellandos censemus.
Lespegend.
Nunc forte Fringald. 2. "Sint sub quolibet horum, quatuor ex mediocribus hominibus (quos Angli Lespegend nuncupant, Dani verò yoong men vocant) locati, qui curam & onus tum viridis tum veneris suscipiant.
3. "In administranda autem iustitia nullatenus volo vt tales se intromittant: mediocrésq; tales post ferarum curam susceptam, pro Ealdermen. liberalibus semper habeantur, quos Dani Ealdermen appellant.
Tineman. 4. "Sub horum iterum quolibet sint duo minutorum hominum, quos Tineman Angli dicunt, hi nocturnam curam & veneris & viridis tum seruilia opera subibunt.
5. "Si talis minutus seruus fuerit, tam citò quàm in foresta nostra locabitur, liber esto, omnésq; hos ex sumptibus nostris manutenebimus.
Michni. 6. "Habeat etiam quilibet primariorum quolibet anno de nostra warda, quam Michni Angli appellant, duos equos, vnum cum sella, alterum sine sella, vnum gladium, quinque lanceas, vnum cuspidem, vnum scutum, & ducentos solidos argenti.
7. "Mediocrium quilibet vnum equum, vnam lanceam, vnum scutum, & 60 solidos argenti.
* [Sic.] 8. "Minutorum quilibet, vnum* lanceam, vnam arcubalistam, & 15 solidos argenti.
9. "Sint omnes tam primarij, quàm mediocres, & minuti, immunes, liberi, & quieti ab omnibus prouincialibus summonitionibus, & popularibus Hundred law. placitis, quæ Hundred laghe Angli dicunt, & ab omnibus armorum oneribus, Warscot. quod Warscot Angli dicunt, & forincesis querelis.