Mus salit in stratum, cum scit non adfore catum.
Ne credas undam, placidam non esse profundam.
Nil cito mutabis, donec meliora parabis.
Nobilitas morum plus ornat quam genitorum.
Non colit arva bene, qui semen mandat arenæ.
Non est in mundo dives qui dicit, Abundo.
Non habet anguillam, per caudam qui tenet illam.
Non stat securus, qui protinus est ruiturus.
Non vult scire satur quid jejunus patiatur.
Omnibus est nomen, sed idem non omnibus omen.