Effigiem servi si vis spectare probati,
Quisquis es, hæc oculos pascat imago tuos;
Porcinum os quocunque cibo jejunia sedat;
Hæc sera, consilium ne fluat, arcta premit.
Dat patientem asinus dominis jurgantibus aurem;
Cervus habet celeres ire, redire pedes.
Læva docet multum, tot rebus onusta, laborem;
Vestis munditiem, dextera aperta fidem.
Accinctus gladio, clypeo munitus; et indè
Vel se, vel dominum, quo tueatur, habet.