Postmark, Bournemouth, 13th November 1884.
MY DEAR THOMSON,—It’s a maist remarkable fac’, but nae shüner had I written yon braggin’, blawin’ letter aboot ma business habits, when bang! that very day, ma hoast [337] begude in the aifternune. It is really remaurkable; it’s providenshle, I believe. The ink wasnae fair dry, the words werenae weel ooten ma mouth, when bang, I got the lee. The mair ye think o’t, Thomson, the less ye’ll like the looks o’t. Proavidence (I’m no’ sayin’) is all verra weel in its place; but if Proavidence has nae mainners, wha’s to learn’t? Proavidence is a fine thing, but hoo would you like Proavidence to keep your till for ye? The richt place for Proavidence is in the kirk; it has naething to do wi’ private correspondence between twa gentlemen, nor freendly cracks, nor a wee bit word of sculduddery [338] ahint the door, nor, in shoart, wi’ ony hole-and-corner wark, what I would call. I’m pairfec’ly willin’ to meet in wi’ Proavidence, I’ll be prood to meet in wi’ him, when my time’s come and I cannae dae nae better; but if he’s to come skinking aboot my stair-fit, damned, I micht as weel be deid for a’ the comfort I’ll can get in life. Cannae he no be made to understand that it’s beneath him? Gosh, if I was in his business, I wouldnae steir my heid for a plain, auld ex-elder that, tak him the way he taks himsel,’ ‘s just aboot as honest as he can weel afford, an’ but for a wheen auld scandals, near forgotten noo, is a pairfec’ly respectable and thoroughly decent man. Or if I fashed wi’ him ava’, it wad be kind o’ handsome like; a pun’-note under his stair door, or a bottle o’ auld, blended malt to his bit marnin’, as a teshtymonial like yon ye ken sae weel aboot, but mair successfu’.
Dear Thomson, have I ony money? If I have, send it, for the loard’s sake.
Johnson.
to Miss Ferrier
Bonallie Towers, Bournemouth, November 12, 1884.
MY DEAR COGGIE,—Many thanks for the two photos which now decorate my room. I was particularly glad to have the Bell Rock. I wonder if you saw me plunge, lance in rest, into a controversy thereanent? It was a very one-sided affair. I slept upon the field of battle, paraded, sang Te Deum, and came home after a review rather than a campaign.
Please tell Campbell I got his letter. The Wild Woman of the West has been much amiss and complaining sorely. I hope nothing more serious is wrong with her than just my ill-health, and consequent anxiety and labour; but the deuce of it is, that the cause continues. I am about knocked out of time now: a miserable, snuffling, shivering, fever-stricken, nightmare-ridden, knee-jottering, hoast-hoast-hoasting shadow and remains of man. But we’ll no gie ower jist yet a bittie. We’ve seen waur; and dod, mem, it’s my belief that we’ll see better. I dinna ken ‘at I’ve muckle mair to say to ye, or, indeed, onything; but jist here’s guid-fallowship, guid health, and the wale o’ guid fortune to your bonny sel’; and my respecs to the Perfessor and his wife, and the Prinshiple, an’ the Bell Rock, an’ ony ither public chara’ters that I’m acquaunt wi’.
R. L. S.